2026 წლის 20 ივლისს, საქართველოს ელჩმა ეგვიპტეში, ნიკოლოზ აფხაზავამ შეხვედრა გამართა ავიაკომპანია RED SEA Airlines-ის სამეთვალყურეო საბჭოს თავმჯდომარესთან ჰათემ ქინავისთან და აღმასრულებელ დირექტორთან აჰმედ შანანთან.
საქართველოს საგარეო საქმეთა სამინისტრო აცხადებს საგრანტო კონკურსს „ქართული გემო“. საგრანტო პროგრამის მიზანია ქართული სამზარეულოს პოპულარიზაცია საზღვარგარეთ; დიასპორის წევრების ჩართულობა ქართული კერძების, რეცეპტებისა და კულტურის გაცნობაში; კულინარიული ღონისძიებების, სასწავლო შეხვედრების და ბანაკების ორგანიზება, სადაც მონაწილეები აქტიურად შეისწავლიან ქართული კერძების მომზადებას; დიასპორის მიერ დაფუძნებული ქართული რესტორნების, კულინარიული კლუბებისა და სკოლის პროექტების მხარდაჭერა, საზღვარგარეთ საქართველოს დიპლომატიური წარმომადგენლობებისა და საკონსულო დაწესებულებების ჩართულობით.
2026 წლის 30 ივნისს, საქართველოს კინემატოგრაფიის ეროვნული ცენტრის მხარდაჭერითა და ეგვიპტეში საქართველოს საელჩოსა და ფრანგული ინსტიტუტის თანაორგანიზებით, ეგვიპტის ფრანგულ ინსტიტუტში შედგა რეჟისორ თენგიზ აბულაძის მხატვრული ფილმის „მონანიება“ ჩვენება.
საქართველოს საგარეო საქმეთა სამინისტრო აცხადებს საგრანტო კონკურსს „ჩემი ქართული სკოლა“. საგრანტო პროგრამის მიზანია ქართული ენის სწავლების ხარისხის გაუმჯობესება, მოსწავლეების კულტურულ აქტივობებში ჩართულობის გაზრდა, საკვირაო სკოლების გაძლიერება სასწავლო მასალით და შემოქმედებითი რესურსებით, საზღვარგარეთ მოქმედი ქართული საკვირაო სკოლების მხარდაჭერა, საზღვარგარეთ საქართველოს დიპლომატიური წარმომადგენლობებისა და საკონსულო დაწესებულებების ჩართულობით.
2026 წლის 21 მაისს, საქართველოს ელჩმა ნიკოლოზ აფხაზავამ, შეხვედრა გამართა ეგვიპტის არაბთა რესპუბლიკის პრეზიდენტის ადმინისტრაციის კანცლერთან, მუჰამად ნეგმთან.
2026 წლის 20 მაისს საქართველოს ელჩმა, ნიკოლოზ აფხაზავამ, გაცნობითი ხასიათის შეხვედრა გამართა კაიროს გუბერნატორთან, იბრაჰიმ საბერისთან.
